On mumkin kar

mere bastey mein kitaben nahi shilkway hain
mein ye shikway sar-e-bazar utha laya hun
hai koi jo pal bhar ko rukey mujh ko suney

kia meri umar wohi umar nahi hai jis mein
hath mein qalam, kitab or slate hot hai
jism pe wardi hoti hai school ki aur
zehan mein roz naye sabaq ki date hoti hai

ankh mein khuwab hoa karte hain nustaqbil ke
dil mein hoti hai tamana keh banun ga officer
mein bhi parh like ke kisi roz gina jaon ga
koi fauji, koi pilot, koi acha doctor

gar meri umar whoi umar hai achey logon
phir ye pather ye hathori kyon mere hathon mein hai
kion mere jism pe hain ye ghair munasib kapre
kyon faqt fikr hai roti ki meri baton mein

ek gila aur bhi rakha hai mere baste mein
is ko sun lijeye to aur bhi mashkur banun
meri ghurbat ki saza itni bari na kijiye
keh mein mazdur ka beta hun to mazdur hi banun

mein bhi is qoum ka bacha hun par achey logon
phirta rehta hun in galion mein awara din bhar
kuch khayal kar ae zamane mujh kamsin par
tujh se jo mumkin ho wo mere liye mumkin kar

ali khayal